小王子與麥提莎

聖誕禮物好介紹

bordor — Wed, 26 Nov 2008 23:54:52 +0800

如果大家有興趣，請去銅鑼灣萍果商場38A SHINES FAIR，搵薛太太，話係FREDA嘅朋友，一定有最抵優惠價

我玩晒！

bordor — Mon, 06 Oct 2008 03:36:11 +0800

小王子：張毯係日本靚7姨媽買畀我0既，你0地個個冇得玩！

妹妹：哥哥你係自私精！

Meow.........(請自己click大張相嚟睇啦！)

bordor — Mon, 29 Sep 2008 01:54:57 +0800

my bday party

bordor — Tue, 23 Sep 2008 20:52:42 +0800

多謝各位好友出席的生日派對，以及謝謝你們送上的禮物！

今年收到好多禮物，有爸媽送的電話、哥仔送的WII同埋阿姐送的靚衫，仲有仲有

我最愛的ZOE蛋糕

PA PA送的DITA 太陽眼鏡！THXXXXXXXXX各位..............

各位姨姨咪嘈啦！

bordor — Thu, 18 Sep 2008 23:05:42 +0800

我知啦，係我衰，一直都冇幫d仔女影新相。影咗啦，你哋咪再嘈啦！

生日前一定要食好嘢

bordor — Thu, 18 Sep 2008 22:50:09 +0800

飲飲食食方面我一定唔會虧待自己，做得咁辛苦梗係要食好d，仲要臨近生日，更加要食爆佢！

mr 鄭前晚請我食飯之餘重送上Jean Paul Hevin嘅"彩色圓古碌"，次次經過呢間shop都好想買一舊試吓，但係又怕唔好食，於是一直都冇買。攤出嚟五顏六色真係好靚，至於味道就同我一樣.......................勁甜的Macaron！hahahaa...............

呢一盒真係不得了，芝士cake cake，好味到爆炸，100個好味佢有150個，軟軟的芝士、濃濃的味道，好滑呀！正正正正正.............

最後呢盒係Royce 90% dark chocolate，苦到無得頂，近來難得買到極好味的dark chocolate, gooooooooooooooooood呀！初時小王子都係望望吓，後來佢都忍唔住，不過貓豬係唔食得朱古力架！小王子，no way，媽媽請你食咗芝士cake cake啦！

只想每天都可以笑著過

bordor — Mon, 08 Sep 2008 01:54:05 +0800

希望一切平安無事，希望風平浪靜地生活，原來簡單就是福.......擔驚受怕的日子很難熬，睡得不好發惡夢，吃飽後又因為太擔心而嘔吐(原來真係有擔心到嘔呢回事0架！)，腦海一片空白，做任何事都提不起勁，著實是太令人害怕的感覺。

我只想每日開懷地笑、無憂無慮地過每一天.........

p.s多謝朋友們、阿jie的關心及分擔！

大家睇清楚妹妹真面目

bordor — Wed, 27 Aug 2008 12:15:20 +0800

個個姨姨都話妹妹好乖好可愛，事實佢係一隻"惡爺"，有相為證！大家睇吓，妹妹為咗獨霸成張毯，起勢打小王子，最後得逞！

p.s仲有下集，待續！

令貓痴線的貓地毯

bordor — Wed, 27 Aug 2008 12:03:42 +0800

早前買了一張有味的貓地毯返屋企畀幾隻小鬼，佢0地玩到痴晒線！

小王子：你隻肥gem好過主呀，張毯係媽媽買畀我架！打打打............

gem：媽媽話輪住玩呀，你排隊先啦，一陣畀番你玩！

小王子：夠鐘啦，你仲唔行開我又打你0架啦！

gem：小王，畀個角落頭0黎玩吓都得呱？！

我係神波

bordor — Sun, 24 Aug 2008 02:11:26 +0800

大家好，你哋應該唔係好識我，我叫波波，係小王子0既朋友仔。我真係好眼瞓呀，今次同大哋講住咁多先，下次有機會再自我介紹！

給連年旺的信

bordor — Sat, 23 Aug 2008 12:48:18 +0800

親愛的連年旺，

你好嗎？最近得知你家中鼠患為禍，連最深愛的杯面亦被老鼠吞噬，對此深表同情。今早起來有點餓，便於廚櫃中拿了一個辛辣杯面充饑。此時此刻想起遠方的你失去了這個杯面，於是拿起相機拍下這兩張照片送給你，希望可以為你舒緩心中的鬱結。

姨姨上 2008年8月23日

發生乜嘢事？

bordor — Tue, 19 Aug 2008 18:07:58 +0800

究竟乜嘢事令三隻肥豬走得咁埋呢？原來係爭水飲！

兩個肥仔頭頂頭，希望飲到頭啖水！

最終係妹妹勝出！

大家睇吓小王子幾咁叻仔，識得用隻肥手去撥個碗，hahahaaha!

Summer.........new look......... so fresh!

bordor — Fri, 15 Aug 2008 00:37:40 +0800

各位姨姨，唔好激動，毛係同頭髮一樣會生番出0黎架。加上今次係pa pa第一次做髮型師，所以有d失手，但係小王子同妹妹剪完髮好開心！

超勁爆正！

bordor — Mon, 11 Aug 2008 01:57:57 +0800

李純恩《為上司者》有人問我應該怎樣做人上司。我說，做上司很簡單，第一要有本事為下屬解決問題，第二要有肩膀幫下屬揹上責任。領功是集體的事情，鑊是自己的擔當。只要做到這樣，為人上司者，儘管風騷快活，下屬決無怨言。反之，自己無料，領導無方，對上阿諛奉承，對下態度囂張，爭領功，搶卸膊。這樣的上司，遲早眾叛親離。為上司者，應該泱泱大度，胸襟開闊。不要小心眼，不拋西瓜皮，不給下屬穿小鞋。為上司者，有容乃大，有笑容也大。做個笑容滿面的上司，總好過做個黑口黑面的上司。現今世界，下屬何須看上司面色耶？上司何須不看下屬面色耶？為上司者，雙肩要夠擔抬。自己錯了自己擔，下屬錯了也要幫抬。要是天生一副美人肩，能卸則卸，能推則推，凡錯都是下屬。試問，如何服眾？為上司者，當知下屬能幹便是自己福份。對下屬，有一分成績讚一分好，不可有九分成績，卻偏挑剔那一分的不好。為上司者，公平第一。對下屬一視同仁，摒除私心喜惡，對事不對人，人心自向。反之，天下大亂。為上司者，忌兩面三刀，在甲下屬處說乙下屬不是，在乙下屬處，數甲下屬的不對。須知有一日甲乙碰頭溝通，上司必如豬八戒照鏡子 ─ 裡外不是人。

如果有一個咁0既上司，大家怨氣就唔會咁重，唔係話做下屬0既0岩晒，但係要有一個唔A字膊的阿頭真係好難。最重要係，打工梗受氣，請"你"要記住，你唔係出糧畀我0個個，你黑口黑面、長期處於更年期唔關我事，唔該咪黑口黑面對住你D下屬，我打工唔係睇你黑面。

少女味

bordor — Fri, 08 Aug 2008 01:16:26 +0800

妹妹越來越有少女味道，真係好靚呀！

小王子驚妹妹畀男仔呃，所以成日睇實佢！